ლონდონის Soho-ში ძველი backpacker ჰოსტელის იდეა ახალ ფორმატში გადადის: SODA-მ ორი XX საუკუნის დასაწყისის შენობა 566-საძილე კაფსულურ სასტუმროდ გადააქცია, სადაც პატარა სივრცე კომპენსირდება საერთო ზონებით, ფერებითა და ტექნოლოგიით.
პროექტი Otherwander Soho Oxford Street-სა და Dean Street-ის მიმდებარედ მდებარეობს. ლონდონურმა სტუდია SODA-მ შენობების არსებული სტრუქტურა შეინარჩუნა, თუმცა ინტერიერი ისე გადააწყო, რომ მოკლევადიანი მოგზაურობისთვის მაღალი სიმჭიდროვე და სოციალური გამოცდილება ერთ სისტემაში მოექცია.
566 „ბუდე“ ერთადგილიან და ორადგილიან ვარიანტებად იყოფა. კაფსულები ოთხ-ოთხად არის განლაგებული, ორ დონეზე, მათ შორის ინტეგრირებული კიბეებით. თითოეულ ნესტს აქვს ინდივიდუალური ვენტილაცია და განათება, აკუსტიკური იზოლაცია და QR-კოდით წვდომა.
ანუ აქ მთავარი ფუფუნება კვადრატული მეტრი არ არის. იდეა ისაა, რომ სტუმარმა მხოლოდ დასაძინებლად საჭირო პირადი სივრცე მიიღოს, ხოლო დღის დანარჩენი ნაწილი სასტუმროს საერთო გარემოში გაატაროს.
საძინებლების მიღმა
საერთო სივრცეები Otherwander-ის გამოცდილების მთავარი ნაწილია. სასტუმროს აქვს მამაკაცებისთვის, ქალებისთვის და ყველასთვის განკუთვნილი rain shower-ები, vanity-ზონები და ტერაცოს ზედაპირები.
პირველ სართულზე „Gallery“ სრულიად თეთრი, პრიალა ლობის ფორმით არის გადაწყვეტილი. დიდი ციფრული ეკრანი, QR-ით ავტომატიზებული check-in-ი და ელექტრონული გასასვლელები სასტუმროს მინიმალური პერსონალით მუშაობისთვის ამზადებს.
ამის საპირისპიროდ, ground-floor „Huddle“ უფრო ხმაურიანი სოციალური სივრცეა. ვარდისფერი და მწვანე ბანკეტები, ნალის ფორმის ნეონის ბარი და ხუთსართულიანი კიბე ინტერიერის მთავარ ვიზუალურ აქცენტებად მუშაობს. განათება დღის მონაკვეთისა და განწყობის მიხედვით იცვლება, ამიტომ სივრცე მუდმივად ერთნაირად არ გამოიყურება.
SODA-მ შენობის უკანა მხარეს არსებული დაბალხარისხიანი ომისშემდგომი დანამატიც ჩაანაცვლა. ახალ გაფართოებაში განთავსებულია ადაპტირებული ოთახები, ხოლო აგურის თაღები და კონსოლური დეტალები Soho-ს ისტორიულ არქიტექტურას ეხმიანება.
სტუდიის დირექტორის, Ryan Holland-ის, ხედვით, ამ ფორმატმა ხელმისაწვდომი და მაღალი სიმჭიდროვის განთავსება სტუმრის გამოცდილების გაუარესების გარეშე უნდა უზრუნველყოს. კაფსულები განსაკუთრებით მოკლე ვიზიტებისთვის არის გათვლილი, როცა მოგზაურს ქალაქში დროის გატარება უფრო აინტერესებს, ვიდრე სასტუმროს ნომერში ყოფნა.
პროექტის საწყისი აუდიტორია Gen Z და დიზაინზე ორიენტირებული ბიუჯეტური მოგზაურები იყო, თუმცა SODA-ს თქმით, ასეთი სივრცეების მიმართ ინტერესი უფრო ფართო ასაკობრივ ჯგუფებშიც იზრდება.
წყარო: dezeen.com
