რობოტიკაში ხელოვნური ინტელექტის მთავარი ბრძოლა უკვე მხოლოდ მოდელის სისწრაფეზე აღარ გადის. Aetina-ს ახალი AIE-KT78 და AIE-KT68 სწორედ ამ მიდგომას ცვლის: მოწყობილობები ხედვას, მსჯელობას, გადაწყვეტილების მიღებასა და მოქმედების კონტროლს ერთ edge AI სისტემაში აერთიანებს.
Aetina-ს DeviceEdge სერიის ახალი ფლაგმანური სისტემები NVIDIA Jetson Thor-ის Blackwell არქიტექტურაზეა აგებული და ამჟამად უკვე ხელმისაწვდომია მიწოდებისთვის.
2,070 FP4 TFLOPS ერთ პატარა სისტემაში
უფრო ძლიერი AIE-KT78 Jetson T5000-ზე მუშაობს და 128 GB 256-ბიტიანი LPDDR5X მეხსიერება აქვს. მისი გამოთვლითი წარმადობა 2,070 FP4 TFLOPS-მდე აღწევს.
AIE-KT68 კი Jetson T4000-ს იყენებს, 64 GB LPDDR5X მეხსიერებითა და 1,200 FP4 TFLOPS-მდე წარმადობით. ორივე სისტემა გათვლილია უშუალოდ მოწყობილობაზე multimodal generative AI-ის, LLM-ების, VLM-ებისა და Vision-Language-Action, ანუ VLA მოდელების გასაშვებად.
იდეა განსაკუთრებით რობოტიკისთვისაა საინტერესო. Aetina-ს მიხედვით, სისტემებს შეუძლიათ კამერებიდან და სხვა სენსორებიდან მიღებული ინფორმაციის ადგილობრივად დამუშავება, გარემოს გააზრება, მოქმედების დაგეგმვა და შემდეგ მისი შესრულება. სამიზნე მოწყობილობებს შორისაა cobot-ები, humanoid რობოტები, AMR-ები და სამრეწველო რობოტული მკლავები.
AI უკვე უშუალოდ კონტროლში შედის
AIE-KT78/68-ის ერთ-ერთი მნიშვნელოვანი განსხვავება I/O შესაძლებლობებია. სისტემებს აქვთ QSFP28 ინტერფეისი 4×25 Gbps კონფიგურაციის მხარდაჭერით, ორი 10GbE RJ45 პორტი და 8-მდე GMSL2 კამერის შესაერთებელი.
კიდევ უფრო მნიშვნელოვანი კომპონენტია ცალკე 1GbE RJ45 EtherCAT Master. ის რობოტის ძრავებთან, სახსრებსა და აქტუატორებთან მიკროწამიან სინქრონიზაციას უზრუნველყოფს. შედეგად, AI-ს მიერ მიღებული გადაწყვეტილება მხოლოდ პროგრამულ დონეზე არ რჩება და პირდაპირ ფიზიკურ მოძრაობაში გადადის.
სისტემის სისქე დაახლოებით 80 მმ-ია, მუშაობს 9-48 VDC კვებაზე და გათვლილია -25°C-დან +55°C-მდე ტემპერატურაზე. კონფიგურაციაში ასევე შედის USB 3.2, იზოლირებული DIO და M.2.
პროგრამული ნაწილი NVIDIA-ს ეკოსისტემაზეა აგებული და მოიცავს Linux-სა და JetPack 7-ს, ასევე CUDA-ს, TensorRT-ს, DeepStream-ს, Holoscan-სა და Isaac ROS-ს.
Aetina-ს პროდუქტის ვიცე-პრეზიდენტის, Richard Hung-ის, შეფასებით, კონკურენტული უპირატესობა უკვე ერთი მოდელის მაქსიმალურ გამოთვლით სიმძლავრეზე ნაკლებად არის დამოკიდებული და უფრო მეტად perception, reasoning, decision და action პროცესების რეალურ დროში გაერთიანებაზე გადადის.
Aetina NVIDIA Elite Partner-ია, ხოლო AIE-KT78 და AIE-KT68 უკვე გასაგზავნად მზად არის.
წყარო: roboticstomorrow.com, aetina.com
